ދުނިޔޭގެ ކަނޑުތަކުގެ ދުވަސް ( 08 ޖޫން 2024 ) ފާހަގަކުރުމުގެ ގޮތުން ލަންދޫ ކައުންސިލުން އިސްނަގައިގެން ލަންދޫގައި ހުރި ސަރުކާރުގެ ހުރިހާ މުޢައްސަސާ ތަކާއި ގުޅިގެން ކުރިއަށް ގެންދިޔަ މިޚާއްޞަ ޙަރަކާތް ފެށުނީ އެދުވަހުގެ ހެނދުނު 06:30 ގައެވެ. ސަރުކާރުގެ ހުރިހާ މުވައްޒަފުންނާއި، ސްކޫލްގެ ދަރިވަރުންނާއި، ބެލެނިވެރިންނާއި، ޢާއްމު ރައްޔިތުންގެ ތެރެއިން ގިނަޢަދަދެއްގެ ބަޔަކު ބައިވެރިވި މިޙަރަކާތުގައި ފުރަތަމަ އޮތީ މޫދާއި ގޮނޑުދޮށާއި ހޭޅިފައް ސާފު ކުރުމެވެ.  5 ގްރޫޕަކަށް ބަހާލައިގެން ކުރިއަށް ދިޔަ މިޙަރަކާތުގެ ތެރެއިން، އޮޑިއެހެލާ ސަރަހައްދާއި ރާމީ، ކުޅިދޮށުޕާކް ސަރަހައްދުގެ އިތުރުން ވެލިގަނޑުމައްޗާއި އެތެރެފަޅު އަދި އާމަގުމައިޒާން ހިމެނޭ ސަރަހައްދުގެ އިތުރުން ވަލުގޯތި ބީޗް ވަނީ ސާފުކޮށްފައެވެ. 

ހެނދުނު 08:30 ގައި ސާފުކޮށް ނިންމާލުމަށްފަހު، ދެން އޮތީ ކައުންސިލާއި އަންހެނުން ކޮމިޓީން އިންތިޒާމްކުރި އިންޓަވަލް އަށް އިންސާފު ކުރުމެވެ.  ބާބަކިޔު އޭރިޔާގައި ކުރިއަށް ދިޔަ ސައިފޮދަށްފަހު ”އެންމެން-މޫދަށް” ޝިޔާރުގެ ދަށުން ހެނދުނު 09:00 ގައި އޮތީ އެންމެ މޫދަށް އެރުމެވެ. މިޙަރަކާތުގައިވެސް ސްކޫލްގެ ދަރިވަރުންނާއި ގިނަ ޢަދަދެއްގެ ބަޔަކު ބައިވެރިވިކަން ފާހަގަ ކުރަމެވެ.

ކަނޑުތަކުގެ ދުވަސް ފާހަގަކުރުމުގެ ގޮތުން ބޭއްވުނު ފަހު ޙަރަކާތް ކަމުގައިވާ ”ފެތުމުގެ މުބާރާތް” ފެށިގެން ދިޔައީ އެދުވަހުގެ ހެނދުނު 09:30 ގައެވެ. ޖުމްލަ 4 ކެޓަގަރީއަކުން ވާދަކުރި މިމުބާރާތުގައި ފުރަތަމަ އޮތީ ލަންދޫ ސްކޫލް ގްރޭޑް 8 ން މަތީގެ އަންހެން ދަރިވަރުންގެ ފެތުމުގެ ރޭހެވެ. އެރޭހުން ފަޚުރުވެރި 1 ވަނަ ހޯދާފައިވަނީ ގްރޭޑް 9 ގެ ދަރިވަރު ފާޠިމަތު ލައިޒާއެވެ. އެއަށްފަހު ސްކޫލް ގްރޭޑް 8 ން މަތީގެ ފިރިހެން ދަރިވަރުންގެ ފެތުމުގެ ރޭސް އޮތެވެ. އެރޭސް ކާމިޔާބު ކުރީ ގްރޭޑް 9 ގެ ދަރިވަރު އަޙްމަދު ޝިޒާންއެވެ. އެއަށްފަހު އޮތީ މުޢައްސަސާތަކުގެ އަންހެން ގެޓަގަރީއެވެ. އެރޭސް ކާމިޔާބު ކުރީ ލަންދޫ ޕްލިސްގެ ފާޠިމަތު އަޒްމާއެވެ. މުޢައްސަސާތަކުގެ ފިރިހެން ބައި ކާމިޔާބު ކުރީ ލަންދޫ ފެނަކައިގެ ފެތުންތެރިޔާ ނައުޝާދު ޢަބްދުއްރަޙީމެވެ. މިއިން ކޮންމެ ބައިވެރިއަކަށް  ސޮނެވާ ނަމޫނާއިން ވަނީ އިނާމެއްގެ ގޮތުން ސްނޯކްލިންގ ކިޓެއް ދީފައެވެ. ކޮންމެ ގެޓަގަރީއަކުން 2 ވަނަ 3 ވަނަ އަށް ލަންދޫ ކައުންސިލުން ވަނީ ފައިސާގެ އިނާމް ދީފައެވެ.

ކަނޑުތަކުގެ ދުވަސް ފާހަގަކުރުމަށްޓަކައި ބޭއްވުނު މިޚާއްޞަ ހަރަކާތް ނިންމާލުމުގެ ގޮތުން 5 މުޢައްސަސާގެ ވެރިންގެ މެދުގައިވެސް ވަނީ ފެތުމުގެ ރޭހެއް ބާއްވާފައެވެ. ވަރަށް ފޯރިއާއެކު ކުރިއަށް ދިޔަ މިރޭސް ކާމިޔާބު ކުރެއްވީ ލަންދޫ ކައުންސިލްގެ ރައީސް ޢަބްދުލްޢަޒީޒް މުޙައްމަދެވެ. މިރަސްމިއްޔާބު ނިންމާލީ ވަނަވަނައަށް ދިޔަ ފަރާތްތަކަށް އިނާމާއި ހަނދާނީ ލިޔުން ޙަވާލު ކުރުމަށްފަހު އެދުވަހުގެ 10:30 ގައެވެ.