ލަންދޫ އަންހެނުންގެ ތަރައްޤީއައް މަސައްކަތް ކުރާކޮމެޓީގެ އިސްނެގުމުގެ މަތީން ލަންދޫކައުންސިލްގެ ފުރިހަމަ އެހީތެރިކަމާއެކު ކުރިއަށް ގެންދެވުނު މޫދުކަސްރަތުން އުފާވެރިކަން ޕްރޮގްރާމް ކާމިޔާބުކަމާއެކު ނިންމާލައްވައިފިއެވެ. 22 ދުވަހައް ކުރިއައްގެންދެވުނު މި ޕްރޮގަރާމްގައި ޖުމްލަ 68 ބައިވެރީން ސެޓްފިކެޓް ހާސިލްކޮށްފައިވެއެވެ.

މި ހާއްސަ ޕްރޮގަރާމް ކުރިއަށްގެންގޮސްދެއްވާފައިވަނީ އެމް.އެން.ޑީ.އެފް ނޮދާންއޭރިޔާގެ ފަރާތުންނެވެ. މިޕްރޮގްރާމް ގައި އިންސްޓަކްޓަރުންގެ ގޮތުގައި އެމް.އެން.ޑީ .އެފް ނޮދާންއޭރިޔާގެ 2 އިންސްޓަކްޓަރުން ބައިވެރިވެފައިވެއެވެ. އަދި މިހާއްސަރަސްމިއްތުގެ ޝަރަފްވެރި މެހްމާންގެ ގޮތުގައި ބައިވެރިވެދެއްވާފއިވަނީ އެމް.އެން.ޑީ.އެފް ނޮދަން އޭރިޔާގެ ޑެޕިއުޓީ ކޮމާންޑަރ ލެފްޓިނަންޓް އަހްމަދު ބޫލާގް އެވެ.

މި ޕްރޮގްރާމްގެ ފަހުރުވެރި އެއްވަނަ ހާސިލްކުރެއްވީ ޙައްވާ ތަޙްމީނާ / އަލިމަސަްގެ ، ނ.ލަންދޫ އެވެ.

ޕްރޮގަރާމްގެ ދެވަަނަ ހާސިލްކުރެއްވީ ފަހީމާ އިބްރާހިމް / ފެންފިނިމާގެ ، ނ.ލަންދޫއެވެ.

ޕްރޮގްރާމްގެ ތިންވަނަ ހާސިލްކުރެއްވީ އައިޝަތު ސަކީބާ /އުރަހަ، ނ.ލަންދޫ އެވެ.

އަދި މިފަދަ ޕްރޮގަރާމްތައްލަންދޫ ގައި މެދުނުކެނޑީ ހިންގުމައްޓަކާ ލަންދޫއިން 3 އިންސަްޓަކްޓަރުން ވަނީ ތަމްރީނުކޮއްފައެވެ. ބައިވެރީން ފާހަގަކުރައްވާގޮތުގައި މިޕްރޮގަރާމްއއަކީ އަވަހައްނަތީޖާ ނެރެވޭ ވަރައްފުރިހަމަ ޕްރޮގްރާމްއެކެވެ.

މިފަދަ ޕްރޮގްރާމެއް މިހާފުރިހަމައަށް ގެންގޮސްދެއްވިކަން ބައިވެރީން ފާހަގަކުރަނީ އުފަލާއެކުއެވެ.